有少少搞笑：講大話甩大牙（幼稚園篇）

說謊的後果

小女孩見到同學說謊給老師責罵，和旁邊的小男孩說：「小朋友唔可以講大話架，講大話會甩大牙架！」

小男孩搖頭：「唔係喎……係個鼻會變好長好長好長啊！」

恐怖的謊言

另外，我明白家長不想小朋友看電視和吃麥當勞，但當老師聽到小朋友認真地和其他小朋友講「麥當勞既漢堡包係用狗糧做架！」同「睇得電視多對眼會流血架！」，而其他小朋友給嚇呆了，老師很難不拆穿你的謊言……

誠實的小孩

小朋友交功課時大叫：「老師，係咪畫得好靚啊？我阿姨做架！」

認真的黑洞

科學迷小朋友畫火箭，入面有幾個太空人，外面還有好多星星和星球，之後他用黑色蠟筆開始在火箭上面狂畫圓圈⋯

我：「呃，你係咪畫緊黑洞？」
小朋友：「係啊！黑洞好勁架！會吸佐架火箭架！」

我很欣賞他很用心畫完一整架火箭，再很努力很用力地用塗上黑色，唯有希望他不會給老師罵吧。

你老師

李老師幫K1一個小朋友著褸。

李老師：「要講乜野啊？」
小朋友：「要講乜？」
李老師：「要講唔…咩啊？」
小朋友：「唔該！」
李老師：「唔該邊個啊？」
小朋友：「唔該老師！」
李老師：「我係咩老師啊？」
小朋友：「咩老師？」
李老師：「李……」
小朋友：「唔該我！」

一樣的老師

有個小男孩認大人的能力極差。今天他在後台見到我，叫：「謝老師。」
我：「今次叫啱，叻仔喎！」
小男孩興奮道：「我知，有兩個謝老師吖嘛！」
我：「係啊！」
小女孩插咀：「咁另一個謝老師喺邊啊？」
我：「唔知喎…」
小男孩搶答：「我知，其實另一個謝老師咪即係葉老師囉，一樣㗎啫！」

好　多謝　老師　／　好多　謝老師

幼稚園有一位謝老師，而我也是謝老師。
某小朋友每次見到我，都會自言自語：「呢個世界真係好多謝老師。」