日本風俗店迷思
首先，
本篇文章只適合18歲以上人士觀看，如未成年者請即按上一頁或按此離開。
本篇文章只適合18歲以上人士觀看，如未成年者請即按上一頁或按此離開。
本篇文章只適合18歲以上人士觀看，如未成年者請即按上一頁或按此離開。
因為很重要所以說三次。好啦，當你睇到呢度，我相信你都係已經年滿十八歲，不過我要講聲唔好意思先，如果你真係想睇整個過程，或者心得，咁就真係唔好意思，因為我今日就唔係要講呢啲。
係疫情之前，我經常要去世界各地唔同地方公幹，日本當然都唔例外，而且大部份時間都係香港日本兩邊走（雖然當中大部份係旅行同公幹夾埋一齊）。基本上，日本全國我都有去過，只係沖繩部份部分外島未有機會踏足。而作為一個成年人，光顧日本嘅風俗店其實都唔係啲咩唔光彩嘅事情（我唔係想講道德倫理呢啲），當然，我絕對唔係鼓勵大家光顧風俗，只係我已經喪偶而且唔再打算結婚，所以內心罪惡咁就無咁大。雖然幫襯嘅次數唔多，夾夾埋埋只有五次，但係始終我健談嘅性格，結果就認識咗好多係入邊工作嘅工作人員。雖然近幾年因為疫情關係唔可以去旅行或者公幹，但係一直都有保持聯絡。係咁耐嘅交流期間，發現原來好多外國人對日本風俗店有好多誤會，反正日本已經開始逐步解封邊境，不如就順勢趁呢個機會，同大家揭開呢一個日本最神秘行業嘅神秘面紗（當然啦，能夠講嘅只係一少部份，其他嘅就等大家自己去發掘。）另外，亦都希望大家唔好用一個色情嘅心態去睇跟住落黎嘅文章，可能用一個又學到一些奇怪而且無用嘅知識心態黎睇會比較好。
除特別註明，否則都以日本主要風俗區（福岡中州、大阪飛天新地／松島新地、東京歌舞伎町、北海道薄野）為主；其他地方，或者大部份鄉郊地方，即使我相信你有N1日文水平都好，但如果缺乏相熟門路相信都難以光顧，所以就不作特別討論。
唔招待外國人？
相信好多人都聽過或者親身經歷過，大部份風俗店唔會招待外國人。其實原因就有幾個，不過不外乎都係因為語言不通呢一個問題。首先講講沖繩先，因為沖繩相比起日本其他地方，有比較多郵輪停泊，所以有好多亞洲唔同地區遊客光臨沖繩。相比起福岡或者大阪等地方，當地居民更容易接納外國人，所以風俗店亦都比較願意接待外國人，不過當然都係睇每間舖頭唔同嘅政策。雖然相比起日本半島其他地方，沖繩嘅風俗店更加願意招待外國人（相對上，但不是100%），但係相對地，徵收外國人對策料金比其他地方高。
返到去日本本土地方，例如福岡中州，大阪飛天新地等等，雖然都有少量店舖願意招待外國人，但係大部份都拒絕。當然，如果你識得基本嘅日文對答，咁絕對係有幫助，但係我相信就算大家去日本旅行嘅時候，大家嘅日文水平都唔係N1咁犀利，所以店家往往為咗避免客人因為語言不通產生紛爭，而選擇唔招待外國人。不過其實又咁講，如果你日文水平係有返咁上下，或者有當地熟人帶路，咁其實呢個時候（我唔敢話100%啦，我諗都有40%左右）唔少店舖都願意招待外國人，但係當然，肉隨砧板上，你預咗外國人對策料金咁呢樣嘢一定唔會少收你。至於大部份非大城市嘅地方，例如熊本、山陽、鳥取等等呢一類唔係遊客景點嘅地方，即使係你搵到風俗店，但係我相信全部都唔會做你生意，因為難聽啲咁講，呢啲鄉下地方寧願做返當地人，搵少啲錢，都唔希望因為語言不通搞到好多誤會產生。
另外啦，其實唔願意做外國人生意仲有一個原因，就係日本人嘅心理因素，有最好嘅當然係留返俾自己人享用先。正如大家聽到 Made in Japan 嘅產品都願意比多啲錢咁解，所以除非真係有熟人帶路，或者你真係一個大富豪，如果唔係即使能夠成功光顧，但係都唔好預會好似睇謎片果啲女生咁玲瓏浮凸。
照騙
係一個充滿照片嘅時代，照騙當然我哋每日生活都會遇到。例如即食麵包裝，永遠都唔會好似煮到佢咁靚；又或者去麥當勞幫襯一個巨無霸餐，圖片同實際出嚟嘅差距有幾大相信大家都心知肚明，更何況完全倚靠照騙來吸引大家光顧嘅風俗店。
無可否認，風俗店的照騙絕對已經去到出神入化嘅地步。曾經有日本節目介紹，最厲害的可以將40歲的女士修改到像20歲一樣。但係點解會有照騙情況出現呢？無他嘅，好多時候風俗店當值女生數目只有3至4個，但如果可以將不同的外貌特徵稍微修改，便可以從3至4個女生變到好像有很多人可以選擇，但其實背後實際可能只有1至2名女生可以選擇。而且即使大家也知道這是一張欺詐的圖片，但大家在看到實際外貌之前，大家嘅心情就好似彷彿係聖誕節準備拆禮物嘅時候會收到咩嘅禮物一樣，希望相片同外貌唔會相差太遠。
另一方面，現今互聯網發達，基本上全部店家都會將當值女生的圖片放上網絡宣傳。根據很多非官方研究報告指出，日本有很多女性是從事風俗行業，但係礙於文化傳統，大部份女生也不想親朋好友知道他們是從事風俗行業，所以店家便會將他們的照片＂稍微＂變成照騙，令到難以辨形（不過當然啦，大部份個人特徵，例如手、胎記、紋身等等難以透過Photoshop 等等這些軟件進行修改，所以相對上你又可以話係照片，亦都可以話係照騙。）
光明正大做生意
相比起全球大部份地方，日本風俗店往往設立係熱鬧區域周邊，而且更是可以光明正大打開門做生意，完全沒有遮蔽的想法。對於好多人來講可能覺得好奇怪，但係根據好多年前大阪市長嘅一篇番說話，大家就會明白。大約意思就係：飛天新地只係一個食＂組合料理＂嘅地方，並沒有存在任何風俗店。雖然彷彿好似係政府默許營業，但係彷彿又遊走係灰色地帶入面。
店家方面，店家收取嘅費用只是入浴費（稍後在收費時再說明），在進入房間、關上房門後，你和女生發生任何情況店家也是不知道和不負責任的，在法律層面上這算是自由戀愛，沒有犯上任何法律責任，所以這個亦都算是一個灰色地帶。亦都係因為咁樣，所以即使中門大開，店家都可以理直氣壯說我只係提供一個沖涼嘅地方，客人發生任何事店家也是不知道的，所以這種解讀方式引致風俗店可以打開門做生意。而且，即使政府彷彿沒有法例監管，但其實日本都有相關嘅風俗業相關法例作出輕微監管。絕大部份能夠光明正大打開門做生意嘅店家，除咗要符合相關法例要求之外，更加要求女生定期進行身體檢查，以保障雙方安全。
當然啦，始終我們身份係遊客，會招待外國人嘅風俗店相對上比較少，所以如果大家係選擇嘅時候，旁邊有人用中文不停向你推銷，記得不要理會。因為這些往往是不合法的，而且女生也不用接受身體檢查，安全情況令人擔憂。而且日本有法例明文禁止風俗店在街上兜客；所以如果真係不幸遇上，大可以選擇直接走去就近嘅警局尋求協助（而且大部份風俗區附近一定有警局）
聯盟
其實同好多行業一樣，風俗店都有所謂嘅聯盟，情況就好似航空公司嘅飛行聯盟一樣。不過，呢個情況其實亦都主要沖繩，如果離開沖繩，日本本島主要係用分店形式比較多。
先講講沖繩先，沖繩就係一個好特別嘅情況出現。因為沖繩主要風俗區集中係那霸市附近，規模相比起日本其他地方為細，大部份風俗店也是和其他店家有一定聯繫。假設你光顧的店家暫時滿座，店家都會先招待你去等候室，然後付款，之後再安排你去其他店舖，當然係有專車接送服務。情況就好似你去7-11買鮮奶，但是剛好完售，不過店員仍然會收錢和給你發票，然後叫你去旁邊的7-11取貨一樣。
離開沖繩，返到日本本島地方，情況就截然不同。大部份店家都是以分店形式營運，不同集團主打嘅主題都唔同，所以會視其他人為競爭對手，所以沖繩出現嘅情況係日本本島係唔會出現；而且為避免自己公司搶自己公司生意，大部份店家只會在同一個地方設立一間店舖。所以如果大家有上網睇過唔少文章，都會發現好多人都會話最好事先預約，甚至乎部分店家官方網站更會要求你先預約才可以光臨。這個原因都是係因為店舖面積不大，房間數目不多，能夠同時當值的女生數目不會太多，以避免客人長時間等候。當然啦，如果想Walk-in，絕大部份店家也是歡迎，不過如果遇上尖峰時段或者剛好滿座，等候1至2小時也是很平常。
收費
其實大約可以從收費睇得出佢一間係咩類型嘅店舖，在這個Cash is King嘅世界，付出價錢越多，質素當然是成正比，而且照片嘅欺詐成份亦都會降低。如果用90分鐘為例子，假設收費低於30,000円，就可以判定果間屬於大眾店，即係比較着重客人數量而不是女生質素嘅店舖；而30,000至60,000円左右就屬於中價店，雖然也重視客人的數量，但是女生的質素也有一定的保證；至於超過100,000円的店舖，則是稱為高級店，基本上顏值高最好的女生也集中在這裏（如果有錢和有機會，我真係想去親近經歷一次，因為彷彿就是享受緊一場視覺和肉體上嘅盛宴）當然如果有特殊需求，亦都可以選擇加錢額外追加，不過大部份店家知道如果你是外國人都不會主動提供這些額外追加服務。至於我一直在說的外國人料金（大約3000-5000円左右），比較像是附加費一樣。老實講，願意迎接外國人的店舖始終少數，這部份我覺得也是情有可原，畢竟我們不是日本人。
另外一方面，我正如頭先係上面提及過，就係店家一直都是說收取嘅都只係入浴費（感覺上是避免法律的麻煩）而所謂嘅入浴費只是店家提供給你地方的租金，中間發生所有事店家是＂不知道＂的。入浴費主要有分成兩種收取方法：一種是一次過向店家支付所有費用；另一種是店家先收取來入浴費（大約5000円），然後進房後女孩再收取餘下的費用。雖然就無話邊種收費模式比較好，但係如果係前者，少部份店家就可以選擇用信用卡來付費（不過要留意店家會收取信用卡手續費（大約3.4%）和信用卡公司的海外簽帳手續費）；如果是後者，感覺上如果想給予女生小費，可以直接由她接收，不用再經過店家中間可能收取的佣金。
門口的黑服
如果大家曾經有經過好多風俗店嘅門口，就會發現每間店舖門口都總有一個身穿全新黑色西裝，凶神惡煞的人企在門口，好像銀行門口的保安一樣。但其實大家對這個應該是百分百誤解了，因為佢地嘅職位相比店入邊其他女生更低。好聽一點就叫做客服，唔好聽就叫打雜。
首先講下佢地嘅工作，其實佢地嘅工作唔止係企係門口招攬客人咁少，而且更加要安排客人進內、安排客人移動到房間、客人離開後負責清潔房間、清潔浴室、而且有需要時更加要接載客人到鄰近店舖或者車站。而且礙於佢地只係負責清潔，沒有實際幫助店舖收入，所以好多店舖往往只會有一至兩名黑服，所以基本上他們的工作可以算是做到上氣唔接下氣。當然，即使平均工資都唔算低，但係好多人做咗幾年就已經周身骨痛，因為一天最少都要在短時間內清潔房間30-40次左右（視乎房間數目），而且當值期間更要隨時準備開車接載客人，所以流失率算係好大，而且長期缺人。
不過有一個好有趣嘅現象，就係大部份從事黑服的男士也是單身，可能是因為做這種行業難以結交女朋友？如果他們也想光顧風俗店，基本上係唔可以光顧其他店舖，只可以光顧自己工作果間店舖，因為大部份店家也是認識對方的，如果貿然走去光顧另外一間店家，會以為是想刺探軍情（女生）的敵人，所以基本上是不可以光顧其他店舖的。
另外，正如我頭先咁講，大部份從事黑服的男士也是很年輕的，而且大部份也有高學歷，但係因為始終工資相比其他公司高，甚至乎比便利店深宵店員還要高出一大截，所以有不少人從事這個行業，為了短時間內可以找到更高的工資，不過代價當然係自己嘅身體很容易出現病痛。
其實佢地都話，你真係永遠都想像唔到會有咩類型嘅人會光顧風俗店，黑白兩道、貧窮富貴、有老有年輕人都會光顧，真係只可以講一句：色字頭上一把刀；性慾這種東西，有很可怕，沒有更可怕。
即使呢行算係比較唔風光或者牽涉道德倫理問題嘅行業，但係點解要用有色眼鏡看待？雖然道德倫理上可能好多人都難以接受，但係相比起偷呃拐騙，佢哋係靠自己嘅身體黎到搵錢，我唔係話要站係道德高地上面鬧呢行點點點，完全唔係。只係想話，一個最基本嘅供求問題，只要有需求，就會有解決方法。即使好多人眼中都難以接納呢一個行業，但係呢個卻人類自古以來最古老嘅行業之一，咁點解唔可以搵個角度去理解下。容許我離題講遠少少，相比起全球好多地方，華人地區文化本身就十分避忌性同死亡這兩個問題，但係即使你唔講性教育，大家都會用自己嘅方法搵答案。咁點解唔索性用一個正確嘅教育方式去解答大家都會想知道嘅答案？Sorry講遠咗，我只係希望大家可以了解就算係唔風光嘅行業都好， 背後都總會有好多不為人知嘅辛酸。
另外，出外遊玩時請緊記做足安全措施。
最後，我亦都要再次提醒各位，本人絕對不鼓勵大家光顧風俗店，而且如果已經結婚，請好好珍惜你的伴侶，不要作出一些令人懷疑的行為。今次就真係純粹當係一個分享，我發現好多人對風俗店有好多誤會，我亦都知道只憑上面呢幾點係唔可以足夠消除大家嘅誤會，但係亦都希望大家明白，即使我們是付錢的一方，但是對方也切切實實地在提供服務，請不要作出一些為難對方的行為。同相關行業嘅人員交流入邊，發現就算係日本人，都會有好粗暴嘅行為出現；而且我們畢竟只是遊客，溝通上已經有一定嘅隔膜，佢地都唔希望大家難做，或者甚至乎唔想麻煩第三方解決，畢竟顧客就是錢。所以大家如果真係將來有機會可以光顧風俗店嘅時候，記得互相尊重。
多謝你又睇完一篇好實用價值嘅文章，下星期六再見。