My little detour - 《小學雞去沙灘》

2022 年 2 月 25 日

28 Jun 2019, fri (Day 30 晴雨晴雨 Cancun, Mexico)

今朝準時起身（其實咩叫準時呢🤣🤣）， hea左陣就準時去到食早餐。早餐好簡單，有水果、多士、茶或咖啡，其實夠就唔係好夠，但有生果我鍾意！

我同Mona坐低食早餐、同枱有兩個日本人，咁大家當然會傾下偈，原來佢地去過New Zealand working holiday, 之後就去中南美，剛剛成古巴旅程，然後有個俄國人過左嚟搭咀，最後仲多個Argentina人添！洗碗時撞到個Brazil嚟嘅男仔，佢話Cancun好多嘢玩，咁我地問佢有咩好介紹，例如邊個沙灘好，佢就介紹左個無咩人去的沙灘叫Pok ta Pok, 咁我地同日本人都好留心聽佢地講咩，然後Mona就話我同佢今日去沙灘問佢地join唔join。大家都好爽快，我地約左25分鐘後lobby等。但由於Mona無墨幣，但又趕住一齊去沙灘，所以我暢左180.15peso比佢，佢就比左US$10我。

整裝待發，落到去團友由4變6，6變8，包括我， Mona, 2個日本人，俄羅斯男，哥倫比亞女、西班牙女、阿根廷男。本來諗住去supermarket補補給之後出發，點知佢地行到見到有巴士就上左，由於怕見唔返，我地就係無買野情況下跳左上車（13 peso), 就係咁一班人浩浩蕩蕩向沙灘出發。

俄羅斯人好似領隊咁帶住我哋行，嘩，海天一色好靚呀！不過我覺得水質無Cuba 嘅playa los Coco靚。不過呢，的沙同埋水都涼浸浸，好舒服。其他人玩左陣就上水，再傾多陣就離開。而我就同Mona繼續留低hea陣先走，因為反正係hostel都無野做🤣

我係樹蔭下抖下， mona就sun bathing, 其時又見到hostel另一個住客嚟左，佢係法國人，旅遊左2年半了，等屋企人嚟一齊玩兩三星期墨西哥就返法國。佢仲分享左一的地方比我地去添！

之後我同mona再落多次水，就執嘢走人。我哋去睇下湖嗰邊有無crocodile，咁...梗係見唔到啦！之後就搭返巴士（13 peso)返去超巿入貨整lunch。我地買左菠蘿， taco, mango, avocado, tomato,red beans, corn，努力切切切，咁樣配搭嘅taco又幾好味喎！

再hostel坐下book下hostel, 到6點幾我問mona仲出唔出去，我想向巴士站嗰邊行下。我哋行經一的小食店，仲買左鮮製churros (40 peso)同mona share, 係幾好味，不過都幾漏。行到去巴士站其實都真係到到差唔多樣無咩特式，所以都係行返去超巿好過。我買左一包薯片，一枝水同一隻蕉（20.15 peso）就返去了。