獻給哈勃的退休禮物（二十六）太陽滅亡之後人家提出的求生計劃

獻給哈勃的退休禮物（二十六）

太陽滅亡之後人家提出的求生計劃

在平行世界中的時間缐再次回到現代⋯

      唔理科學家又好，科幻作家又好，都提出過好多個方法去準備太陽老化甚至滅亡之後人類的退休生活^_^

     我地逐個看一下可行性⋯

      平行世界時間缐分支一 

     飛昇至電腦永存

     據說，有商業在研究把人類思想上載到電腦區塊鍊永存⋯

如果真的成功，這不單止係一個處理人類死後嘅唔錯選擇，它甚至可以五十幾億年後在太陽死後，建一個超級電腦，利用宇宙中微弱的宇宙射線作能量，上傳所有人類的思想，令人類的思想永存在這超級電腦的多維空間中，讓人類的意識繼續享受多維世界的喜怒哀樂，就如生活在電腦遊戲世界中一樣⋯

     但係⋯縱使係咁，這算是一個高科技墓碑⋯還是⋯一個 Matrix⋯

     這樣⋯不大好吧！

      平行世界時間缐分支二

移居火星

呢一個計劃，好似連好多科學家都非常重視，想出好多方法，又在火星種薯仔，又想辦法在火星製造二氧化碳加厚大氣層，又想盡辦法去開採火星兩極的冰來生產水⋯真係好鬼努力的⋯

     但係⋯科學家們好似忘記了火星到底有幾多水？地球又有幾多人？先唔好講空氣，就是火星嗰丁多水夠養活幾多地球人？

     10%！？！就算有10%，都要想辦法將呢10%嘅人送去火星（有一定難度），就算得，咁⋯救10%嘅人⋯算點⋯又來抽獎！？！算把啦，這等於看著八九十巴仙嘅人去死！討厭！

再講，去咗火星都係等於生存多十億年！到太陽變咗紅巨星睌期，火星表面除左熱到水滾之外，相信亦都過唔到最後嗰幾下心跳，火星表面都會比嗰幾下太陽超級耀斑毀滅⋯再跟住亦是零下二百多度的冰封世界⋯即是說，移居火星計劃嘅最高成就係令10%嘅地球人在沙漠星球生存多十億年！唉！只此而矣！

     平行世界時間缐分支三

     哈！好啦，最想講呢個⋯

     登登登凳⋯先整鬼停咗地球嘅自轉，再在南極建萬台行星發動機，推個地球飛出太陽系，用2500年飛去比鄰星建立新家園⋯

     先係好唔鍾意個抽獎！抽贏咗就有得跑晒入地底，先唔爭論入咗地底又要用幾多能量 keep 住溫度，就算行得通，又係得嗰唔知幾多個巴仙可以生存下來，討厭！

     另外，究竟係咪真係行得通呢？

     用2500年飛去4.3光年外的比鄰星，即係速度要加到4.3/2500 x光速=516000m/s

     地球質量係 6×10^24kg

     即係要供給地球嘅動能係 :

     1/2 x6x10^24×516000^2J

     =8×10^35J 哈！

     一個最小原子彈所放出的能量係：

     5.5×10^13J

     即係話，唔理用咗幾多萬台行星發動機在南極推地球行，假如功率係 100% 嘅話，要比地球嘅能量係 1.45×10^22顆⋯原子彈嘅能量，黎黎黎⋯等我再講一次，係一百四十五萬億個億個原子彈嘅能量，注意播，係兩個億字架，唔係一個億呀^_^

     算你用核能，地球有冇咁多核燃料先，仲有播，去到比鄰星，仲要用同等量能量整返停個地球先至可以進入新宜居帶軌道。地球有冇可能有二百九十萬個億咁多個億粒原子彈嘅能量大家自己諗啦！？！我唔知呀！

     仲有播，咁短時間將地球加速到光速嘅0.172%，地球大氣層會流失幾多呢，大家又自己諗諗⋯Next⋯

      平行世界時間缐分支四

      這可算是有聊得很聽過睇過所有包括科學家 & 科幻作家提出的最可行方案⋯

持續引導不同的小行星至近地球外環，利用小行星引力，把地球軌道持續往外推，令到地球跟著因為太陽老化不斷增大增熱宜居帶不斷往外遷移，如果跟得上，就是太陽最後期變了紅巨星，據相關資料說，幾十億年之後地球甚至可以跑到小行星帶之外，完全避過紅巨星太陽的威脅，甚至太陽最晚期嗰幾下太陽心跳爆出的超級太陽耀斑，也可以被減至極低傷害，這樣，大部分的地球生命，相信可以比原來乜都唔做，生存多至少三十億年⋯已經是十分非常強勁的建議，至少比先前嗰三個 好得 多 ⋯

      但係⋯

難度也不少，利用小行星引力把地球往外推不是就往外推這麼簡單，至少有聊得很看過的資料沒有講一個極之極之重要的重點，否則，縱使往外推了，只能改變地球軌跡，要令地球真的長期維持在小行星帶之外有一定難道，詳情會在獻給哈勃的退休禮物第一季之最終篇太陽滅亡之後有聊得很提出的人類生存計劃中詳述⋯

其次，地球要在現在的太陽恒星盤中穿過小行星帶也有一定的難度，縱使得都十分危險，很容易變了 6500 萬年前的恐龍，要比較安全穿過小行星帶，最好的方法是先離開現在的太陽系星盤，從另一個角度擴大地球軌跡，問題係，點樣先可以用最少能量做到呢？有聊得很在獻給哈勃的退休禮物第一季之最終篇太陽滅亡之後有聊得很提出的人類生存計劃中先講你知^_^

     再者，縱使這個方法完全的成功，也只是把人類的生存時間延長至太陽由紅巨星變白矮星那時段，再之後，人類仍然要面對零下二百多度的黑矮星時代⋯Die Hard ！

     是否還有方法更易成功，甚或再延長人類能生存的時間呢？

     有聊得很將會窮畢生所學的經典牛頓物理學，用經典牛頓物理學去挑戰前沿天文科學，嘗試去給出令人類在太陽變了黑矮星後，令至少大半人類能在太陽黑矮星時代再生存至少五億年甚至至十億年的方法⋯

敬請密切期待即將上載的最後高潮——獻給哈勃的退休禮物第一季之最終篇太陽滅亡之後有聊得很提出的人類生存計劃——獻給哈勃的退休禮物（二十七）避過紅巨星。擁抱黑矮星（上）

未完待續⋯

作者：有聊得很（manbolo88)