My little detour - 《等不到的單車，慳得到的巴士》

2022 年 2 月 25 日

29 Jun 2019, sat (Day 31 晴雨晴雨 Cancun -> Playa del Carmen, Mexico)

今日本來諗住食埋早餐， hea 到11點check out埋就去Playa del Carmen, 點知8點幾食完返房嗰時見到西班牙女仔Fiorella, 佢問我今日有咩做，話不如去踩單車。其實我都好想踩，我話其實我都唔趕去Playa del carmen嘅，所以如果真踩，我可以先check out, 再將的袋留係房，踩完返嚟再攞。

跟住快快手執埋野check out (收返50 peso key deposit), 點知發現呢個時候得返一部單車。而Fiorella亦都想瞓多陣，於是我地約1點hostel meet, 所以我又決定出去行下先。

首先我走去食左個taco （40 peso 2件），我點左雞肉涵，見住佢煎左塊雞扒再切碎放入taco餅內，咁其他涵料就放晒係前面自己隨便加，我咩都落d, 估唔到飯都有，其實都唔錯，同埋幾飽肚。

之後又去我最愛的超巿，買左枝可樂（355ml）同埋朱力dount返去做甜品。

差唔多行到返去見到Fiorella去問整睫毛嘢，真係好勁，旅行真係都要keep住靚。但諗諗下就算佢瞬間返到嚟，都已經一架單車都不留。既然係咁，我就話我都係起程了。問佢借左鎖匙上房攞埋嘢就走了，還匙時Fiorella提我仲有其他車去Playa del Carmen 架，唔一定要搭Ado, 因為車資平好多。

咁因為ado近d , 我都順道走去睇睇先。丫，咩得嚟我個人咁老定呢，係呀，朝早車係好密，但原來點幾嚟到車站，見到只係得返2點， 7點同8點車咋，仲要2點嗰班118 peso, omg, 朝日嗰的8x peso咋喎！所以我都過埋去collectivo到睇，原來係van仔款似格魯吉亞嗰的，中間會有上落客，但夠人就走，無時刻限制。咁我當然有照上。承惠42peso, 嘩，爭成2/3價錢😱，但又老實， ado舒服d 嘅！

落車後好快搵到hostel，不過呢到雖然人多，但感覺無Cancu嗰間咁friendly (我慣左每到下一個城巿前book定下一間hostel)。 check in完比錢，佢地話22x peso, 但我望下個confirmation明明係177.16 peso喎，咁我比佢望返，佢地都好疑惑。不過佢話我咁啱係個system有bug時訂到，所以我好好彩，咁就照返呢個價比我。但由於我比500peso佢地無錢找，我點都係爭住先🤣。

攞完房後，由於我已口渴至死，所以即刻出左去，丫，點知又比的鋪頭吸左去，不過無買野。但我有去望過hostel職員提及的frida museum。入場費係240 peso喎，點入呀，其實我係出面睇佢product好似抵好多🤣🤣 不過呢，係靚嘅，但太貴買唔落手。

跟手走左walmart買左枝蘋果汁 11 peso)，買完即刻出嚟一次過隊晒。之後再入返去慢慢搜購我嘅早午晚餐。我買左2隻蕉，蘋果、芒果、牛油果、啤梨、仙人掌、青檸各一，仲有一罐紅豆同一罐仔粟米，再加埋taco皮同2枝水（106.4 peso)就返去。咁啱行出嚟見到個廣場有flea market仔喎，於是諗住放低野再出嚟睇。

返hostel第一件事梗係比錢，但佢都係得頭先嗰300peso, 所以我比完200 peso佢之後，佢話mark低遲的比返我。睇野才是正經事，我又飛返出去，丫，頭先好精緻嗰間野有開，等我入埋去望先。樣樣都好靚，但樣樣都無標價，我都廢事問，因為見有堆減價野減完都唔平。同埋刺繡嗰的，我遲的去刺繡之城先買了，因為我見佢有的好靚的披肩仔成千蚊港紙呀！咁諗住見到佢印左鋪頭logo的postcard應該係免費派，但都禮貌問句幾錢，竟然30 peso一張，十幾蚊港紙一張喎，我住宿都係4x港紙咋喎，唯有放手放開所有。好喇，咁我又行返去flea market到，的耳環都ok （50 peso each), 但太大隻，可以教家姐整喎 (一束束打結順排在圓圈內）。之後又睇下袋，唔知點解聽到佢係upcycling又好想支持下，早知我落力的講價啦， 170 peso叫價至150peso佢都好快答應，但都靚嘅！之後仲見到heaband, 開價50 peso講至40peso成交，希望我真用。