陳師奶拜師學藝做HODLer
大家仲記唔記得4月23號發生過乜嘢事？
嗰日兩位朱師奶同陳師奶踏上咗完全唔同嘅人生命運
朱師奶炒燶油搞到唔見咗好多買手袋嘅儲備，喺屋企痛哭流淚
另一邊廂，陳師奶喺當日喺US$7081呢個價位買入咗Bitcoin，去到今日大升過25%，笑到見牙唔見眼。
因為Bitcoin價格波幅上落好大，同埋好快，陳師奶一路透過Charles學習點樣投資Bitcoin。
Charles幫陳師奶做心靈導師，增加陳師奶嘅信仰。
佢同陳師奶講：「Bitcoin投資上落太快同埋波幅太大，所以最緊要”平常心”。初學者適合用平均成本法，同埋用中長期投資嘅心理準備。如果你每日望住價格上落好似過山車咁，一定會震到你懷疑人生」
陳師奶問:「你又講得啱呀！每日望住價格上落，有時真係手痕痕想賣咗佢止賺。如果價格又大跌嘅話，我諗我真係會嚇到想賣咗佢」
Charles：「你要做一個成功嘅HODLer, 有幾個方法。」
Charles：「第一，深入了解虛擬貨幣成個產業鏈，成為一個成功嘅虛擬貨幣投資者，唔會比滿場飛嘅似是而非嘅消息影響你嘅判斷，不過呢條路好漫長。要落啲功夫」
Charles：「第二，你日後學識得點樣做礦工。因為做礦工不停有新嘅Bitcoin流入你嘅錢包，所以對於價格上落你會冇乜感覺。即係等於你每日返工有糧出，個心情點都定啲」
Charles：「第三，你去買一隻冷錢包，即係Cold Wallet。將你嘅錢由Hot Wallet轉晒落去Cold Wallet, 增加買賣手續嘅複雜性，你就唔會成日心癢癢想賣咗佢。同埋放咗落去Cold Wallet嘅錢先至係真正有保障，你唔會擔心交易平台倒閉時，你連本金都冇埋」
Charles：「就以我為例，我投放左嘅本金如果已經賺到返嚟。我會將本金嘅嗰部份嘅Bitcoin轉移落去Cold Wallet。
放喺交易平台上邊嘅都只係我賺返嚟嘅利潤，就算平台倒閉我只係唔見咗賺返嚟嘅錢，本金冇輸過嘅話就可以再次出擊，同埋唔好忘記我每日都有礦機嘅收入，只要有規律地進行呢一個流程，對我來講係最好嘅保障」
陳師奶聽完之後即刻上網去買返隻Cold Wallet 返嚟玩玩
其實市面上出名嘅牌子都有幾隻，以下俾少少資訊大家去了解
Ledger
Trezor
KeepKey
https://shapeshift.com/keepkey
每個品牌的比較可以喺以下呢條連結參考:
https://medium.com/star-bit/star-bit情報室-各大廠牌冷錢包簡介與功能評比-d8194cbb7fcc
建議大家如果要買冷錢包，最好都係上返官網買，避免得到冒牌貨。
官網有時係特別嘅節日會有額外折扣優惠，例如之前情人節就有買一送一優惠
本文轉載自 ‘智慧社區 Wise Community’ Facebook 2020年5月5日貼文
