恆生銀行 — 手機提款初體驗

全家用開恒生，新屎坑初體驗，絕對唔係業配文。

話說早幾日撳完錢之後發現部ATM多咗個QR code，隔離又有個NFC接收器，究竟搞乜東東？一上網search先發現原來恒生最近新出無卡提款，係繼東亞、工商同渣打之後又有一間銀行做無卡提款（好似係）。咁佢最把炮嘅係除咗用QR code之外，仲可以利用NFC技術就可以撳到錢出嚟。作為走在潮流尖端嘅大專生，點可以唔同大家測試一下？

咁好簡單㗎姐，首先你要有e-banking戶口，係手機app到登入前有個位比你簡手機提款，又或者係登入後係帳戶服務都有得㩒入去手機提款。循例睇完同t&c就可以設置限額。本身佢嘅限額就係每日最多一萬蚊，係同轉數快比未登記收款人計埋一齊，可以按照番個人需要調低限額，減低被盜風險。之後就可以輸入自己想攞幾多錢，同埋需唔需要列印通知書。之後你就可以揀用NFC或者係用QR code（視乎部機support邊樣）。

咁你就可以行去任何一部支援手機提款嘅ATM機， 預備攞錢啦。咁你就㩒ATM指住嗰粒制，然之後隊部電話去掃QR code或者拍落去NFC接收器位置，等一陣就攞到錢啦。撳完之後佢會send email同sms嚟提你你真係攞咗錢，咁就雙重保障啦。

公平起見，今次搵嚟一部恒生支援手機提款嘅ATM同埋匯豐淨係可以撳錢嘅ATM，齊齊㩒二百蚊，睇下邊個快啲。

經過本人實測，用QR code攞就需時23秒到，用NFC就快啲，唔洗隊個手機鏡頭，就21秒。相反，匯豐嘅「只供現金提款」ATM就要31秒（我估多幾粒制）。好啦，最後結果就係用NFC快啲嘅。

今次就寫嚟依度，btw其實我幾鍾意寫啲金融fintech嘢，更加係華田銀行忠實fans，我諗有一日都可以做到佢咁勁嘅，我諗。