My little detour - 《搭車的挑戰》

2022 年 2 月 15 日

11 Jun 2019, Tue (Day 13 晴（熱）， Havana->Santa Clara, Cuba)

琴晚我又預早執定少少行李，希望今日離開時無嘈到咁多人。但由於瞓上格床個位朋友成晚出出入入，我根本都好難瞓得著（雖然飲左mojito)，仲要晨早五點幾比我發現原來我部電話差唔到電， omg! 臨急攞左另一條差電線出廳試，好彩得左。收埋衫執拾埋細軟我就起程行去搭車。去到巴士站，第一件事入左去Viazul的office, 我上網睇過要check in, 但點check in呢？我唔知。我唯有每次佢講野我都行埋去隊張飛佢睇係咪我架車，當然每次都撲個空。

之後有個人出嚟講左堆野，我好似隱約聽到Santa Clara, 於是我問下隔離的旅客，係喇，係我地check in la! 太好了，佢地係嚟自Argentina的Belina 同Baubaum (我都唔記得係咪咁串），好彩佢地好好人帶埋我去check in咋，如果唔係車都上唔到。check in第一步係行李過磅落tag，然後就走入候車室check in, 好似話30分鐘之前唔check in張飛就唔valid架（收左你張飛，然後再出返另一張真飛比你）。

我哋坐低再周圍望下架車到未。到左8:35架車終於到左，我地就he he hum hum咁上車， yeah, 終於成功上車。

差不多4個鐘車程，聽陣歌就到了，落車時Belina佢地去洗手間，我見要錢而我又唔急，梗係唔去啦！咁有個煩人gei的士司機係咁跟住佢地，仲問我要唔要房添！見Belina佢哋行左去, 的士司機轉移問我要唔要房。佢話20cuc, 我話太貴，佢減到15cuc, 都係貴喎所以無理。跟住我地去買左車飛先，佢地會去Cienfuegos而我就隔晚先去Holguin。我入到去個office, 職員問我搭去邊，幾多點，就咁寫低名就叫我明晚提早一個鐘去比錢同check in就ok。跟住真係同Belina佢哋 hug and say goodbye 了。由於佢地4點車走，所以我叫佢地唔使等我，我自己去搵hostel就可以。

我去maps me搵到間hostal Ana y Arley, 佢間屋好舒服，叫到10cuc, 但原來佢有人租左呀。但佢地好好，除左介紹另一間hostal比我之外，仲請左我飲mango juice添呀！之後佢哋0既朋友, 即hostal Dinorah 0既land lady搭嗰的似篤篤物體嚟接我，佢獨立房間價錢係10cuc，咁頭先嗰間舒服好多了，不過呢到個廁所ok (但後來發現的水壓唔ok)。算啦，我唔想行了，就10cuc la! 諗住速速check in完出去行，點知佢隔左陣只係找錢但無比返passport我。過左陣我忍唔住問我本passport呢，佢話因為要寫野，所以過多5mins先比我，而最後係過左半個鐘我再去問先有（但其實我係樓上望過落嚟，佢確實寫緊架喎！）

外出第一站係Che Guevara(哲古華拉)個museum, 熱到一個點，個museum係free 0既, 但因為我孭住個袋，所以要寄存先可以入，咁...我明天再嚟啦！

之後試圖行去巿中心，因為太口渴，我途經一的鋪仔時，要左一杯jugo de limon, 再過無耐見到有人食飯，搞到我又好想食，不過佢話無晒了，咁我就改點一杯juice, 又話natural juice, 綠寶d friend嚟喎！去到個公園坐低諗住上網報下平安，點知從朋友口中得知香港近日發生好多事，聽左少少搞到個人down到一個點....加上又熱又曬，今次真係謝晒！ BTW, 好彩今次有帶遮，痴線，遮住都熱到暈。最後漫無目的咁比我搵到地方買水， 17.5cup一枝，仲要雪左嘅，正呀（17.5cup)。由於今次上耐左網，好似的卡唔多夠用，於是今日再買3張，咁又3 CUC喇!