小販檔 VS 艦空母艦

好多人百思不得其解，明明武漢肺炎搞到全球公司執笠，個個失業

但係美國股市，香港股市，大陸股市唔單止頂得住，仲升到你改變信仰

我識個朋友早兩日仲入咗Tesla 大賺咗一筆，真係藝高人膽大

其實橋水基金大師Ray Dalio 一早提咗我哋呢個係戰時經濟，唔可以用常理去分析

其實所有國家嘅經濟而家都出現非常大嘅問題， Ray Dalio一直強調國家如果大量印銀紙，最終都必須將銀紙變為本地生產總值即係GDP

其實可以見到好多傳統嘅巨型給企業將會因為包袱太多而陸續倒閉，各地政府都煩惱緊點樣將無限QE轉化為生產力

中共喺兩會提倡全國推行”地攤經濟”

簡單啲講，即係鋪天蓋地容許小販檔周街買買

呢招其實真係好有智慧，將個主導權交返比交地人民，保持市場自己調整供求，唔再追求高大上嘅集中式企業模式

換句說話，即係一個去中心化嘅經濟活動，由得市場人民碎片化進行營商活動

你問我呢招成唔成功，我只可以講無乜期望，因為肯定”上有政策，下有對策”

地方政府或者街道辦肯定會圍爐取暖，開地攤成為國家任務，只有有勢力關係嘅人士先可以喺範圍內擺賣，擺賣嘅貨品由中央去到統籌，經過指定供應商去到發貨。所以過一段時間就會發現所有嘅貨品全部一式一樣毫無新意。

跟住另一邊廂會繼續打壓真正有需要，有創意開舖嘅人，佢哋係唔會有辦法成功開到小攤檔做買賣，除非比好處街道辦

尚記得香港八零年代，周圍都係小販，正式係一個百花齊放嘅年代，只要肯努力做，度度都有機會。

但係後來政府介入要整治市容，產生左發牌制度，成個小販行業即時變得式微。到最後變為象徵式嘅小販活動，即係女人街果一類嘅舖頭，完全失去左小販自力更生嘅味道

無論結果係點，可以講一句中國政府已經知道社會經濟差到一個點，已經無辦法再靠”高大上”嘅金融企業拉動民生經濟

同埋其實一個不能說的真相，就係其實中國一早已經進行緊電子模式的小販買賣，就係”淘寶”同埋”網上帶貨”活動。根本唔需要理政府去到提出所謂地攤經濟呢個概念

地攤經濟只係偽命題

中美兩國嘅大戰最終勝利者除咗軍事活動，就係邊一個最快有能力將印出嚟嘅銀紙轉化為GDP。

成個世界轉變，值得觀察

#地攤經濟

#最後勝利是誰

#我哋為中國經濟轉型送上一點燭光

本文轉載自 ‘智慧社區 Wise Community’ Facebook 2020年6月4日貼文