My little detour - 《繼續庸懶》

琴日真係瞓得好唔錯， 我一覺瞓到8點幾先起身。 8點40分就已經急不及待落去睇下今日食咩早餐。嘩！ 發達喇， 係漢堡呀， 仲要係好足料嗰隻。 我只能夠講超好食呀， 飽到晏晝都唔使食了。

由於今日都只係準備蕩失於San Cristobal, 所以我再去房hea到晏晝先出去。出去第一件事係攞衫去洗， 咦， 點知我要洗嘅衫夾埋都係得1 kg, 原來minimum係要洗2 kg, 咁既然點都要比， 我梗係攞返的衫放多幾件落去先再攞去洗啦。 

放低袋衫返micasatucasa後， 我就出去諗住逐條巷兜， 不過其實好難， 因為行行下根本唔記得自己行緊直巷定橫街， 而且亦太多延伸了， 所以每次都真係迷失東京🤣。 今次迷失仲搵到間mexico delivery, 佢寫係correso, 但如果寄postcard係無郵票架， 只有一張印有銀碼的貼紙貼返上去，佢話每張15 peso, 丫， 但張貼紙寫係13 peso喎。 寄郵包就平dhl少少， 不過都差不多hk500。

再行遠少少， 咁啱又遇著落雨， 好彩已經好近olala - 我今日決定chill一chill的地方。 我去到點cake， 因為好cheap唔想比tips, 所以我堅持比左錢先然後坐outdoor嘆！ 我叫左一個上面鋪左香蕉， 下層有焦糖味的cake食， 另外仲叫左一杯skimmed milk mocha 飲 （75 peso)， 原來我真係好識自得其樂， 食得好開心。

食完又行返我最熟悉的街道， 點知身經百戰嘅我又睇中野， 我見到一條花碌碌的headband, 開價50 peso, 還價40 peso成交， 又成功跌錢。 之後橫橫直直咁行， 去返一的熟悉的街道， 又探索左一的未去過的遊客街， 丫， 點解行極都有新野嘅。

差不多五點我又結束一天行程， 返hostel攞埋的衫去洗， yeah, 今次真係差唔多2kg, 承惠20 peso。 其實幾抵， 點解我要洗衫洗得咁辛苦。

hea到6:30準備晚餐， 其實大家都未食， 有鑑於佢地琴日預埋我食飯， 我就問下佢地有無興趣試下生存level味道的意粉， 佢地竟然有, 於是我硬住頭皮煮， 希望唔好太失禮。 好彩佢地都好客氣， 無話難食， 而我亦都試左佢地的湯麵， 其實對比起嚟超好味， 的湯仲可以要嚟撈白飯添。

今晚其中三個最talk得的韓國人搭夜車去Oaxaca了， 唔知明天會唔會變得好靜呢。 而我知道明天早餐食handmade麵， 我又好期待了🤣

已用：135peso 

75 peso Carlota cake and moka

40 peso headband

20 peso laundry 2 kg