My little detour - 《點都想試一次-坐巴士》

我成日覺得點樣知道當地人nice唔nice, 搭交通工具可以略知一二。 但整個行程我都極少搭， 而穿州過省嘅都主要係搭遊客坐的viazul, 所以我今日預多左好多時間， 早左好多起身去試一次， 諗住就算失敗都可以搭的士backup。 

其實我班機就11:20am嘅， 咁我就set左4:30am起身， 起身即刻擦牙洗面收衫執袋執睡袋著鞋（btw, 琴晚嬲嬲地， 同房嗰幾個男女仔係rooftop傾偈， 但ok 嘅， 點知原來佢地從無關門，仲要度門開到鬼火咁大。 咁熱個人就燥啦， 但都可以忍， 最慘係咩， 部老爺冷氣機頂唔順間房出盡力都無冷氣， 佢竟然滴水， 唔怪得我聽到成日dat dat聲， 我以為操作有問題咋！ 好彩我叉完電就去放返的線入袋， 發現個小背包濕晒因為咁濕晒， 簡直嬲到爆炸！ 好緊急咁移開所有野， 仲好好心問埋個女仔另一個放附近的backpack係咪佢嘅， 原來係佢同事嘅。 到發現漏水， 佢地搵左個筒去裝， 就準備出去玩 （已是零晨12:25）。 唉， 的水滴落個筒到di di dat dat點瞓， 我就話咁好嘈喎，會唔會有野墊住， 我見佢地出去玩， 我話得喇我搞啦！最後佢地都放左的廁紙入去減低聲浪。 而事實係， 關埋門後無耐冷氣就涼了， 連滴水聲都漸漸消失， 咁點解唔一早關左度門佢呢。）

好喇， 其實琴晚總括嚟講係無覺好瞓， 咁都4:55分出門口， 去到巴士站好好彩， 我諗等左無10分鐘， 5:20分左右有車 （p12, 1 cup, 但前人話其實0.4cup車費）， 而之前我問過個叔叔係咪去airport的車。 我其實成程都幾攰， 因為我坐入面， 側邊放一個袋， 大背包點住我膝頭， 因為根本放唔到落地。 咁我一路望住maps me, 跟住隔離換左個攞拐杖的伯伯， 佢又同我雞同鴨講， 但都明白我去機場， 到之前一個站仲提我， 見我行車時無手扶野仲扶住我隻手添， 感動ing。 之後佢又再三望我示意我要下車了， 另一個叔叔都讓個位比我企， 提我下個站落車。 好喇， 嚟到我真係落車時， 收錢叔叔叫我上返車， 其實我唔知佢講咩架， 不過佢yap我返上去， 仲扶我同幫我托住個大backpack添（因為前門係無關門的）。 佢問我咩人， 我答佢香港，前排嘅搭客就有少少反應，哈！ 再過幾分鐘， 收錢叔叔話而家落得喇。正呀！ 慳左少少腳骨力， 係大直路先開始行。

其實我大概6:08am落車， 行經terminal 2有個叔叔話去T3仲有3公里喎， 我話係呀， 咁我最終都順利於6:35am到左T3。 不過班機未有咁早可以check in, 無咩做梗係上下網， 而我發覺呢到根本用唔到wifi card lor😳

撞鬼， 本來係Hall A check in轉左Hall B, 等我撐大眼睇到醒覺時已是8:10am， 即刻飛奔過Hall B, 點知已出現人龍。好彩都唔算遲， 但佢憑咩9:10am先check in叫人8:10am （早15分鐘到）， 真係等到花兒也謝了！ 好彩佢地check in算快， 而我一直擔心的事無發生， 就係佢無要我show回程機票， yeah! 好快已經check in完， 咁我當然之後去將的peso兌返歐羅啦。 我用淨27cuc, 但只能比正數， 所以我有一張20 euro同埋3.xx cuc。 但我睇極都無手信啱心水， 唯有收起佢。 估唔到過關都咁快， 機場細細， 唔知點解當刻想洗晒的錢， 於是我買左杯americano同4包餅仔 （3cuc)， 之後我諗點解咁衝動唔買枝水呢🤣🤣! 

好彩候機室又用到wifi wor, 我本來以為會成為手信， 好彩最後用埋， 正！ 不過架機遲左1個鐘先飛， 去到墨西哥就係當地時間12點幾了！

今日共用： 6.2 cuc+ 34cup

1 cup bus 12p