My little detour - 《心繫香港，誰令孩子如此絕望》

2022 年 3 月 2 日

1 jul 2019, mon (Day 33 晴雨晴雨 playa del carmen-> tulum, Mexico)

睇住香港71新聞，真心難安。係咩嘅人咩嘅事令到青年人絕望至此，我諗大家心中有數。再睇埋義士進入立法會帶走同伴，眼淚根本停唔到。要多愛香港，才在畏懼中挺身而出，大人真係好慚愧😭

8點起身食完早餐，一路煲新聞一路叉電，心中又是無數的不安。之後出左去一轉買sim card, 佢話只有一個plan, 一個月無限data, 每日最高用量1 Gb, 承惠300 peso。唔知係咪個sales見我唔多信佢，又或者見我係咁望住個plan手指係咁郁，佢話嗰個係for買電話嘅contract plan, anyway啦，其實錢都比左，想得個知字啫！

之後返左izsla hostel check out, Manager仲話我知原來我係第一個入住的香港人添呀！之後同Israel女仔一齊去ado bus station, 我就準備去Tulum, 而佢就買車票去機場飛古巴。等左無耐我就上車，大概一個鐘就到Tulum。太好了，呢架車會係古蹟前面段路停，正好係我hostel對面，發達了。

但到hostel 3點先可以check in ，我唯有坐低呆等2個鐘。但嬲豬係攞床位後，發覺個位根本有人瞓過，於是出返去同佢講（好彩影低相），之後佢換另一張床比我，唉，都仲係又亂又未鋪床單。我忍唔住講我只係想要張乾淨的床啫。佢話因為同一area的三張床係留比同一group女仔，問我介唔介意轉mixed dorm, 我話我介意。佢先逼於無奈比返張正常的床我， how come!

放低野我就行出巿中心睇有無collectivo去Bacalar, 有喎， 180 peso single way。平過ado巴士 around 100 peso仲要近少少我住嗰到，其實講緊都3.9km...我諗最少要預個半鐘去搭車。之後行左陣centro同食埋個中國炒麵（50 peso) , 再兜多轉超巿買2枝水、1枝可樂同一包餅做明天早餐就返hostel了。