世界早安 vol.1 no.3

其九 推銷星魚的推銷員

我發現獨自寫作對我嚟講係好難嘅件事，我並不是一個能夠同自己好好傾偈嘅人，但係每當我同其他人傾偈嘅時候，我嘅靈感就可以源源不斷咁湧出嚟。其實我唔能夠獨自寫作嘅原因係咩，我好清楚，當我喺其他人面前嘅時候，我內心會對佢哋、對自己做出無窮無盡嘅想法，係呢個時候絕對係寫作嘅最好時機。但當得我自己一個嘅時候，我不願和自己對話，我理所當然咁覺得自己一定理解自己，但事實上根本唔係，我一直都冇好好理解李星魚，好好描述自己。正因為我從來沒有好好描述自己，所以當我獨自一人諗住寫嘢嘅時候，只要題材係我第一身經曆或者係我嘅自我猜想，我腦海往往會一遍空白，得個吉。咁樣樣我又可以寫到啲咩出嚟呢，於是乎我決定頂硬上威逼自己寫啲嘢講下自己。

呢壇嘢事源呢就係早幾日，本身小弟我請教緊新朋友點樣解決一件公關危機嘅時候，講下講下我又一如既往咁進入咗講自己嘅狀態，大概同我相熟嘅人都開始習慣我呢個特性，但呢位新朋友仔一針見血嘅評價又真係令我陷入咗一陣又一陣、天馬行空嘅想像之中，我被評價為外向孤獨者，我超級在意呢個評價，點解？因為我自認係一個本質樂觀嘅細路仔，呢個評價明顯同我嘅自我認知有出入到！喺呢個時候我又諗起唔知邊次講起我嘅時候，大一畢業心理學家水字子浚對我嘅評價就係缺乏安全感先會咁做，死火，唔通我真係一個唔識訴說自己情緒嘅人？！

扮咩呢，其實我就係一個唔識訴說自己情緒嘅人，只係我自己好聰明咁放棄思考咗呢個問題，就好似呢篇文章甘，其實我都係無病呻吟下，阿茂整餅——無果樣整果樣，於是乎，唔該曬今朝晨早流流聽我鳩嗡嘅大家❤️。