My little detour - 《原來我真係鍾意d鎮仔嘅》

2022 年 3 月 3 日

3 jul 2019, wed (Day 35 晴 Tulum -> Bacalar, Mexico)

諗住搭collectivo, 但佢地要2點或4點先有車去Bacalar, 咁我就決定係hostel hea到12點先check out。但依我估計，其實行去centro搭車最多一個鐘，不過預時間嚟講，我鍾意預鬆多過緊（旅行限定）。所以12:30我就出左門口，呢個時間真心最曬，又要行嗰條爛路，其實都幾甘。行下行下見有時間寛裕，所以入去超士買左枝可樂，嘆10分鐘冷氣先再出發（但大backpack留左係locker嗰邊唔比入）。

1:20pm已行到去collectivo站，佢叫我等陣，洗完車就ok, 但佢好好咁叫我將個袋放上車先，真係好體貼。我想講，呢程車終點站其實係chetumal, 不過好少人搭，所以行李都唔使放車尾。我全程坐霸左兩個位（唔計行李），冷氣又足，我瞓左半程，而佢嘅車費係180 peso, 比ado bus平左差不多100 peso ( ado bus 274 peso)。司機真係好好，佢會特登落車開門比的老弱，佢又會指我落車，仲話比我知回程邊到搭，太窩心了。

之後去hostel, 唔錯喎，雖然貴（250 peso/night), 但大dorm都有露台，又有個廳，仲有四個廁所沖涼房....而最重要係今日得我住。

放低野我就出去買野，呢到無超巿，得小型士多仔，買左包nachos 同ariona西瓜汁，之後再去另一間買左牛油果，洋葱、蕃茄同lime諗住整nacho (total 82 peso), 點知經過的檔仔又食左兩件taco （雞同豬？）（24 peso total) , 所以返到去食左少少nacho已好飽，所以決定留返明天先整牛油果醬nacho。