My little detour - 《Sunday is museum day；同場加映Luca Libre》

2022 年 5 月 10 日

28 Jul 2019, Sun (Day 59 晴，Mexico City, México )

鑑於行程緊密，我今朝查完少少路線同睇左少少facebook就執野出發，諗住爭取多少少時間遊博物館，點知...搞完出得門口又9點，天呀，點解可以咁 ‘lup𤓓‘ 架！

今日嘅參觀次序係諗住由近至遠，先去個近近地的Museo Mural Diego Rivera望下先，點知真係得個望字，原來佢開十點。咁好啦，我去另一個都近嘅Palacio de Bellas Artes 望下啦。咦！順利入到去喎，咁人排我排，有隊咪排囉，點知排排下唔對路，我就問前面嗰位係咪排緊museum，佢話唔係喎🥶。咁我唯有問保安姨姨，佢話museum係另一條隊買飛，不過今日免費，但就十點先開。噢！即係呢到的博物館但都開十點，等我仲咁早出門口添。仲有大半個鐘先開門，咁我就決定出去後補個早餐先。我叫左個似tortas但又同之前食過嘅tortas唔同嘅，要左雞肉涵，一直以為20 peso, 比錢嗰刻先知雞肉涵要30 peso。

好喇，食埋個包又返去Palacio de Bellas Artes 望下，我再望返頭先排錯嘅應該係睇ballet表演條隊， 09:30同夜晚好似20:00都有場，最平票價300 peso, 好似周三同周日有表演，即刻心動想買張平飛入去睇，不過其時已過09:30。唯有下轉返Mexico City又撞得啱我就去睇啦！跟住museum售票處嗰邊開始有人排隊，梗係排埋一份。突然間有人同我講野，原來係一個Costa Rica人，但而家係半個美國人，佢話佢11月去大陸，想順道到訪香港，我叫佢去香港時小心D，因為而家都有的亂。講開原來佢從事藝術，會用唔同顏料畫畫，所以去美術館好興奮。終於等到開門，一個跟一個攞張免費飛。呢到有個規舉好搞笑，背包要放前邊，唔知點解呢！呢期展覽有兩個主題，其中一個係Icaza Francis，而的畫嘅筆觸係我鍾意嗰的點線面，搞到我突然好想畫畫添。由於呢到得兩層，好快我就睇完了。

於是我又走返過Museo Mural Diego Rivera嗰邊，今日都係免費參觀，另收5 peso影相費。呢到提到有關Frida同Diego嘅資料，仲有的畫有Frida的畫，其實呢個館幾得意，但展品唔多，所以好快行完。

之後我睇下附近仲有無博物館，行行下發現一個Museo Memoria y Toleranca, 但因為要比90 peso而無入，真係好孤寒。

btw, 全街都勁多人踩單車跑步，好似全民運動日咁，我都好想踩埋一份。

見仲有時間，我又行左去另一個遠少少博物館，叫做Museo de la Ciudad la Mexico, 雖然入場費只係34 peso, 但由於我已online買左Frida Kahlo Museum嘅飛，所以直接搭metro過去，免得遲到唔比入。我出左地鐵站見到有麥記甜品counter, 而且軟雪糕做緊5 peso promotion，所以買左杯嚟食，好味。跟住慢慢行過去，期間仲經過間有好多海報嘅野，好似電影museum咁，咁如果一陣有時間可以再行。行到咁上下見口渴，我又買左枝250 ml汽水（6 peso), 說時遲那時快已經到左Frida Kahlo museum, 嘩，條隊好長下喎，好彩問左staff預先訂票的只要比預約時間早5-10分鐘去到就ok。咁我就過隔離行下，有間鋪都裝修得好靚，猶如museum一樣。

好喇，準時再返去排隊，等一陣就入得，不過影相另加30 peso, 可憐我比埋手續費訂飛，卻得不到一張實體入場證，無得留念添！。呢到係Frida同Diego婚後住的地方，外牆嘅藍色我好鍾意。其實我都係而家先知Frida自小有病，右腳比較短同幼， 18歲又遇到嚴重交通意外，所以她個人喜歡穿長裙遮蓋，而佢嘅衣著仲inspire左好多現代時裝設計師。

由於Frida museum係包埋Museo Diego Rivera Anahuacalli Museum 的入場費，所以我梗係唔執輸去埋。沿返來時的路經過左間超巿，我買左條好抵又大的包都係5peso, 加埋蕉同埋汽水都係21 peso, 仲要幾好食添個包。再經過我以為係博物館，實質係電影院的地方行左個圈，見有少少空檔，等我望下個museum點去先，奈何我搵極都搵唔到地圖上地鐵的名。於是我問隔離妹妹，佢幫我上網查，真係發雞盲一千，嗰個係電車站嚟架。而家去的方法係去Tasquena 站再好似上次去Xochimilco 咁搭巴士去，巴士車費2 peso其實好抵（不過搭去Tasquena 時我去左反方向，好白痴），數到第五個站落車，幾經辛苦終於比我搵到了，呢到入場費原價90 peso, 好嘢而家包埋，不過又收我30 peso影相費。早知唔比啦，因為呢的係Diego的收藏，似我平時睇博物館的土著公仔收藏，不過唔比都比左，盡影。玩左唔係好耐就走，但其實都睇得7788。好彩我未算好遲，原來呢到收17:30, 萬一嚟到無得入就喊都無謂。

今日行程真係好緊湊，我約左喺Oaxaca認識嘅本地人Miguel去Arena Mexico睇luca libre。好好彩去完Museum後咁啱有巴士（2 peso), 而去到地鐵站又好彩有網絡，可以講比Miguel聽我遲少少。點知出到地鐵站落大雨，頂，我仲要唔識另一個出口出返去對面，好彩Miguel有等我。 Meet up左就一齊去會場，點知去到有兜售飛的人話比我地聽close左，但佢有飛可以讓比我哋。但明明仲見有人賣，我同Miguel講如果唔係official飛我唔睇了，跟住果然喺櫃枱都買到，但原來人地5點已開始，成個show 2個鐘，我哋6點半到，即係我地睇得30分鐘，不過係買完先知（60 peso)。但佢地好嚴，收走我因為暢散紙搭車而買的薯片（11 peso), 最慘係無得連埋我的相機一齊寄存，直接扔入垃圾筒，真係欲哭無淚。我地入到去有人帶位，但Miguel好似被屈買左張賽程咁。呢個節目啱啱睇都幾有趣, 其實佢地係搞宎mode唔係太真打，但睇落都痛。而我覺得睇半個鐘都夠，太多就好悶，因為都係一樣板斧。