獻給哈勃的退休禮物（第二季——續航至宇宙邊緣）（七）兩體三體有乜嘢稀奇？我哋尊貴嘅單體先係貴族⋯問題係⋯我哋到底係咪純正嘅單體！？！

獻給哈勃的退休禮物（第二季——續航至宇宙邊緣）（七）兩體三體有乜嘢稀奇？我哋尊貴嘅單體先係貴族⋯問題係⋯我哋到底係咪純正嘅單體！？！

記得有 D 科幻話生存喺三個恒星嘅星系度，會災難連連⋯

有聊得很未寫獻給哈勃的退休禮物之前，有 D 奇怪作者點解會咁講⋯

仲話如果生活喺呢 D 星系度，個世界會不斷滅世重生、重生又滅世，不斷咁循環⋯

最後 D 人變成菜乾人、咸菜人、汔水餅人⋯真係幾有創意🤗

點解會咁呢！？！

我哋睇娜美星人唔係咁固喎！嗰度雖然有三個太陽，天迪仔仲話嗰度雖然冇夜晚，但係風景好靚固喎！？！

到底邊個先啱呢？

試下用科學去睇睇⋯

有請愛因斯坦⋯

愛因斯坦教廣義相對論嗰幅圖，將三維降格成兩維平面，垂直呢個平面嘅就係第五維度（勢維度），個平面就想像一下係軟淋淋嘅彈弓床，放個大保齡球當太陽就壓個大坑，放個細保齡球當地球就壓個細坑，如果仲有月球就壓個再細 D 嘅坑⋯

愛因斯坦幅圖就梗係靜止架啦。但係事實上，太陽、地球、月亮⋯甚至黑洞都好，所有天體都係郁嘅。即係話呢 D 大大小小嘅坑係一個細嘅繞住大嘅轉，再細 D 嘅就繞住細嗰個轉⋯

如果有三個太陽會點？

第二大嗰個坑繞住最大嗰個坑轉，第三大嗰個坑繞住第一同第二大嗰兩個嘅共心轉⋯

第三大嗰個太陽（即係最細嗰個太陽囉）已經係行緊行星嘅軌跡，其他行星就好似呢個太陽咁，亦都係繞住最大嗰兩個太陽嘅共心轉⋯

唔理係嗰個星系嘅太陽（即係恒星囉）定係行星，都係有個坑帶住一路行一路轉⋯

嘩～～～！個場面幾咁壯觀啊！

記唔記得前幾集嘅獻給哈勃的退休禮物講嘅天體級勢能呀？木星嘅正相位同反相位嘅勢能差都有幾萬億個小男孩原子彈咁多能量！！！係呀，講到呢庶唔抵得又要串下 D 人，成日話乜嘢土木大合對地球嘅影響微不足道！乜嘢磁場幅射對地球嘅影響都好細！簡直豬一樣！自己用 F=GMm/r^2 同 GPE=-GMm/r 去計一下細唔細！？！第二個數式就係有聊得很成日提嘅天體級勢能，全世界最重視佢嗰個就係有聊得很，其他所有人（包括科學家）都極之睇小咗佢！

如果真係有三個恒星（嗰個星系嘅太陽）係嗰個星系繞黎繞去，就即係有三個勢能坑喺個星系嘅中心繞黎繞去⋯呢個星系嘅行星（尤其係宜居帶嗰 D 更加接近呢三個繞黎繞去嘅坑）orbiting 嗰陣時仲唔又越過高山又越過谷！？！

幾十萬億甚至幾百萬億個小男孩原子彈嘅能量波幅⋯

雖然話大部份去咗個行星動能嗰度⋯

就算只有兩三個巴仙去咗極端天氣，再加上個行星比地球勁百倍千倍嘅時快時慢，流離浪盪⋯

呢個行星上面仲唔滅世又重生，重生又滅世⋯唔變咸菜乾汔水餅人都唔得啦！？！

太陽系隔離嗰比鄰星系就係咁！嗰套流咩嘢地球仲話如果太陽會爆就流浪去比鄰星！唉！唔好話根本唔夠能量去（上一季獻給哈勃的退休禮物詳細解釋咗點解唔夠能量架啦），就算夠能量去，去到咪又係聽變咸菜乾汽水餅人！

雖然我哋個太陽系似乎係單體咁，咪以為單體好平常，咩嘢兩體三體好出奇！其實成個宇宙裏面，兩體三體一定多過單體，所以生活喺真正嘅單體星系先至係貴族（係呀！好似係我哋呀！）。不過咁，太陽系係唔係真正嘅單體貴族越黎越成疑問啦，電腦模擬測試（stimulation)研究柯伊伯帶小行星軌跡嗰時，無意中發現咗應該有個大天體隱藏咗喺奧特星雲，運轉周期約一萬年。雖然未能夠用望遠鏡睇到，但係連名都有啦。

一說叫第九行星—堤喀。

一說太陽邪惡雙子星—涅墨西斯。

所以，貴族太陽隨時脫單降為庶民了😹

作者：有聊得很（manbolo88)