狂想科幻應用系列（九）人造太陽研究咗幾十年，由有聊得很初中開始聽，到依家都未搞得出嚟！究竟點解！？！有聊得很試下用 fission reactor 嘅概念去睇下 呢個 fusion reactor 搞唔搞到出嚟（下集之二）

狂想科幻應用系列（九）人造太陽研究咗幾十年，由有聊得很初中開始聽，到依家都未搞得出嚟！究竟點解！？！有聊得很試下用 fission reactor 嘅概念去睇下 呢個 fusion reactor 搞唔搞到出嚟（下集之二）

真正嘅太陽，本來就係一個「Dynamic Equilibrium」。

核聚嘅爆炸力量不斷咁將太陽外層往外拋，就好似一個不停核爆嘅超級超級氫彈咁⋯

咁西飛利嘅不停核爆力量比太陽嘅超級重力拉住咗⋯

太陽表面嘅物質就咁比呢兩個對衡嘅超級力量拉住咗，唔上唔落，就咁維持咗四十幾億年。

人類要造個「人造太陽」喺地球上發電，就要復製一個微型嘅類似咁嘅情況。

可惜嗰班科學家研究黎研究去都淨係識將佢（個未成功嘅人造太陽）開三秒就停⋯開三秒就停⋯開三秒就停⋯

點解要停啫！？！

咪就係驚佢爆囉！

咁⋯唔停咪爆囉！

想點啫！

咪咁情緒化啦！科學研究唔可以好似 M-day 咁，一有事就掉低唔理加麻！更加唔可以非黑即白！

傅君婥話嘅，所有高深武學（呀唔係⋯係科學至啱），都係有意無意之間達至陰陽調和，咁⋯長生訣（呀唔係⋯係人造太陽至啱）就水到渠成架啦！

好啦！秘密喺個 nuclear fission reactor 度。

boron rod (control rod) 同 pressurised water 係用兩個唔同方法阻慢咗個核分裂嘅連鎖反應。

咁⋯如果要造個「人造太陽」又有冇得照辦煮碗咁抄過去呢？

得！

又係要學 nuclear fission reactor 咁，多重保險先安全。

首先代替 pressurised water 嘅係 helium（或者用正常嘅 H ，正常嘅 H 放嘅能量遠低過氘同氚），helium （或者用正常嘅 H ，正常嘅 H 放嘅能量遠低過氘同氚）係最接近 hydrogen 嘅惰性氣體，氫彈爆炸佢都唔會變，正到不得了！就用佢溝淡 D hydrogen ，令到 H ions 撞返 H ions 而發生核聚嘅機率大幅減低，亦即係話更容易達到核爆與唔爆之間嘅平衡。至於 H 同 He 嘅比例係幾多最好？幾多先可以達到有意無意之間（即係爆與唔爆之間囉！咪好似班傻傻哋嘅科學家咁開三秒就停搞咗幾十年咁笨）？你問有聊得很緊係唔知啦！但係超級電腦嘅電腦模擬測試應該好容易搵到答案。

淨係 He 當然唔得！就好似 pressurised water 都要同時有 boron rod (control rod) 同 uranium rod (accelerator) 先搞到個 nuclear fission reactor 出嚟。

模擬 boron rod (control rod) 同 uranium rod (accelerator) ，有聊得很諗到嘅係一個直流 sine wave 式嘅 voltage input ^_^

即係一個會變大變細嘅直流電 input ，用嚟控制三樣嘢：

1. Magnetic bottle 嘅溫度。

2. H & He ions 嘅速度，亦即係粒子加速器嘅 accelerating voltage （當然，喺呢庶，有聊得很唔太肯定用 sine wave input 會唔會好得過穩定直流電，都係要交比超級電腦嘅電腦模擬測試去確定，不過有聊得很好有一點可以確定嘅，就係只有呢點唔肯要唔要用 sine wave input，其他幾點一定要）。

3.Magnetic bottle 嘅磁場。

尤其係第一同第三個，係控制個「人造太陽」爆與唔爆嘅關鍵。

如果 nuclear fusion 太快，就減低溫度（就可以減低 ions 嘅數量）、ions 嘅速度（就可以減低 fusion 嘅效率）、同magnetic bottle 嘅磁場（突然減低 ions 嘅密度）。全部都係減慢 nuclear fusion 嘅方法。

反之，所有倒轉就係加速。

至於 各種 sine wave 直流嘅 input 嘅幅度同頻率⋯就要靠超級腦嘅雷腦模擬測試搵到個最理想嘅值（千祈咪學班科學家咁直接做試驗，又晒錢，又危險，正傻瓜！）

當然啦，以上所講嘅嘢係要用錢去研究嘅，不過有聊得很好肯定呢個研究路線，一定唔會要用過千億歐羅同搞幾十年囉！

如果真係控制到 nuclear fusion 爆與唔爆之間，咁加壓力水管就可以抽能量出嚟發電架啦🤗

作者：正在轉化ing IQ 博士型中的有聊得很