My little detour -《點解總覺比人呃？！》

琴晚9點幾瞓， 瞓到咁上下有人返嚟， 不過佢地都算細聲架喇！ 由於今早無咩行程， 我都hea到9點幾先起身。 本來諗住行下weekend market , 點知個Placa de Nova好似同琴日一樣之嘛， 都無擺檔， 咁我再行喇， 比我行到去Mercat de Sant Josep， 其實即係街巿， 外面仲要有尿味架添！ 但入到去又幾開心嘅，本來都想買ham食， 但其實我唔係咁鍾意太咸， 所以我最後都無買。

跟住又以我一貫作風亂行， 又比我搵到個真係supermarket的超巿， 其實又唔算多野買， 起碼無咩汽水揀， 但我都買到蘋果汁同埋洗頭水 （€0.59 +€1.7=€2.29), 之後經過巴塞隆拿凱旋門， 唔見過的話我以為得巴黎先有。

之後隨心行左去間餐廳仔食西班牙海鮮飯 (€9.95), 不過一的都唔好食, 料又求其， 煮得又咸， 所以我都無比貼士， 我覺得自己整應該仲好食， 嬲豬！之後又開始行返去， 期間又經過一間像樣少少的超巿， 入去行左轉, 今日果然係購物日。 回程唧時候， 我仲買左3張postcard (€0.5each, total €1.5)同3張郵票， 貴囉， 成€1.6一張 total€4.8， 究竟我係咪keep住比人呃呢??

已經好攰了， 返去期間發現原來條大街有個大商場， 最緊要裹面有個像樣的大超巿， 我返hostel抖陣後又去左超巿再行， 又買左一枝水（0.5€)及一排朱古力mousses (€0.78) , total €1.28。

返去又hea左陣， 食埋一個mousses之後就左沖涼， 然後hea在床上， 買返今朝買唔到的park guell 6月5日的10:30入場卷 （€10), yeah, 可以瞓了！

今日共用： €22.31 (cash) + €10 (debit card) =€32.31