My little detour - 《休養生息》

其實今日安排左個大休息日比自己， 等個傷口可以休養生息， 無咁樣衰。 諗住就算行， 都係附近買下餸兜兩個圈就算。 所以起左身又係hostal hea到9點幾先出去買早餐， 包加曲奇 （9 peso), 都算豐富吧🤣。

之後返hostal食完再hea。 到差不多11點幾， 我決定出去買餸滾湯， 都係慣常嗰的蕃茄薯仔洋葱磨菇雞蛋咁啦， 再加兩個番石榴 (31 peso)。

煮完食埋見到張Asian face, 原來加拿大籍中國人。 傾左陣佢係咁逼我睇佢部電腦， 雖然係share緊資訊， 但太insist咩都係電腦show， 我唯有籍洗傷口走左去。 

洗完傷口我就出去行下第二邊， 例如去Chamula的collectivo附近嘅market, 不過麻麻地， 有的雜亂， 但都有收穫嘅， 買左隻蕉 （2 peso) 。 跟住亂行經過麵包鋪買左個yoyo cookie後 （5.5 peso)， 又比我行到去 plaza de la paz， 之後我醒起加籍中國叔叔阿Bill講話其實呢到係有超巿嘅， 咁我又突然好想食雞喎， 所以就以超巿為目標努力行。點知係呢個時候， 我聽到有人嗌Kimmy。 我以為自己幻聽啦， 點知迎面而來嘅人係喺Valladolid嘅同伴Oscar。So suprised！ 嘩， 佢去完Cancun再過嚟， 竟然大家係Chiapas重遇， 仲要我只係亂下去到嗰個位， 真係好有緣。

佢知我之後去Oaxaca, 仲介紹左的地方比我添。 因為Oscar趕住參加free walking tour, 所以我地就say goodbye 了。 咁我繼續向超巿進法，原來又係aki喎。 不過由於隻腳流膿， 所以我決定快快買完快快走。 本來都想食多次本地牛油果， 但係呢， 磅完成22 peso, 我上次買10 peso咋， 所以我最後只要了雞槌同蒜 （22 peso)就返hostal了。

返去腌野時見到有豉油喎， 正野。 我先落蒜， 再加雞槌大火煎， 然後加水焗， 幾滑下。 再滾埋個湯就完成左個晩餐。 之後繼續留守hostal無出去了。btw, 隻腳真係好多膿下喎😭😭😭

已用：88.5 peso 

9 peso 麵包及曲奇

31 peso磨菇， 蕃茄， 薯仔、 3隻蛋、 2個番石榴

2 peso banana

4.5 peso yoyo cookie

22 peso 雞槌 and 蒜