經營品牌內容營銷賣產品的3個方法

01 賣故事=共鳴

有啲人同你賣嘅係同一個產品，但係佢嘅生意就唔知點解比你好。原因好簡單，講嚟講去都係營銷，即包裝。

Sell產品如果做唔到好似講故仔咁樣，勾起觀眾心入面情感同埋共鳴，你嘅IG就只係一個要逼佢哋打開銀包嘅煩閪sale...

又如果可以令個客相信買呢件product嘅時候有參與感同意義，其實分分鐘可以mark價

更高，因為件產品已經唔再係死物本身了。

02 賣好奇=體驗

除咗故事，令到人哋友共情觀眾有共鳴，其實觸發佢哋嘅好奇心都好容易激發佢哋對產品嘅興趣。

就好似嗰啲10秒鐘嘅短片，最初引你入去睇一定係一啲令人好奇嘅標題，或者嘩眾取寵嘅影片，又或者係一啲你未試過嘅體驗，講到新奇有趣個個都想試啦！

你嘅產品在有冇啲得意位，搞到人心郁郁好想試吓呢？ 冇唔緊要！我仲有一個辦法！

03 賣焦慮=解決辦法

陳敏之嗰啲美容廣告最常就係用呢個方法！

的確，呢個真係好中啲現代城市人。

我哋邊個冇脫髮生暗瘡有皺紋失眠大肚腩..用最直接嘅方法，指出每一個人都有呢啲痛點，而你嘅產品可以點樣幫觀眾解決？

如果你嘅產品真係有獨特功能、優勢，同埋極速嘅效果，就算唔使優惠，都會令觀眾相信呢一個就係佢哋期待已久解決問題嘅最佳選擇。