放棄與不放棄

有朋友話我地而家講得幾豪情壯志都無用，到殺到埋身，攪你家人時，最後可能自己第一個放棄。的確，我地作為中年香港人，根本想像唔到有幾恐怖，真係黎到時先知，而定講咩都唔係堅。

睇返馬太福音26:31-35；

31 耶穌對他們說：「今夜，你們為我的緣故都要跌倒。因為經上記着說：『我要擊打牧人，羊就分散了。』

32 但我復活以後，要在你們以先往加利利去。」

33 彼得說：「眾人雖然為你的緣故跌倒，我卻永不跌倒。」

34 耶穌說：「我實在告訴你：今夜雞叫以先，你要三次不認我。」

35 彼得說：「我就是必須和你同死，也總不能不認你。」眾門徒都是這樣說。

當日耶穌話自己會點死點受苦，個個都話自己唔會反骨唔會唔認數，同我地一樣咁滿腔熱血，但跟住呢?

轉過頭在馬太福音26:69-75；

69 彼得在外面院子裏坐着，有一個使女前來說：「你素來也是同那加利利人耶穌一夥的。」

70 彼得在眾人面前卻不承認，說：「我不知道你說的是甚麼。」

71 既出去，到了門口，又有一個使女看見他，就對那裏的人說：「這個人也是同拿撒勒人耶穌一夥的。」

72 彼得又不承認，並且起誓說：「我不認得那個人！」

73 過了不多的時候，旁邊站着的人前來對彼得說：「你真是他們一黨的，你的口音把你露出來了。」

74 彼得就發咒起誓地說：「我不認得那個人！」立時，雞就叫了。

75 彼得想起耶穌所說的話：「雞叫以先，你要三次不認我。」他就出去痛哭。

真的，我地同當日既門徒一樣，根本唔知打壓和殺身有幾恐怖，到埋身時才知自己係幾軟弱，一擊即破。

我覺得軟弱唔緊要，怕事唔緊要，到最後放棄都唔緊要，因為邊個講得埋，可能平時最大聲那個第一個閃人，我只可以話捱到幾耐就幾耐，到最後真係要做反骨仔就唯有接受自己係咁廢，唯有睇下幾時可以好似彼得咁東山再起。