無耳性（粵文 / 兒童 / 純對話）

***下文需以「粵語」閱讀***

「焰。」

「念。」

「焰——」

「念——」

「係『焰』，唔係『念』。跟我讀多次。『焰』——」

「念——」

「都話唔係『念』！係『焰』！有無聽我講嘢㗎！吓？有無呀？有．無．呀！」

「哇——哇——好凍（痛）呀！媽咪！唔好歹（打）！好凍（痛）！好凍（痛）呀！嗚嗚嗚……」

「媽咪啱啱打你邊度？」

「豆……」

「唔係『豆』！係『手』！」

「哇！好凍（痛）呀！好凍（痛）呀！嗚……」

「鬼叫你無耳性呀！講！媽咪啱啱打你邊度？」

「嗚……角……」

「係『腳』，唔係『角』！你呀！做咩咁無耳性！做咩唔畀心機聽住媽咪啲發音！」

「嗚……我有呀！嗚嗚……我好畀心機聽㗎！但係……」

「但係乜嘢？有乜好但係！事實就係你無畀心機聽，又無畀心機去講，所以發音全部錯晒！」

「唔係㗎！媽咪！嗚……我真係好畀心機㗎！嗚嗚……」

「如果你真係有畀心機，點會錯得咁離譜？其他小朋友就算發音有錯，教幾次就無問題，啱晒。係唯獨你教極都錯！」

「媽咪……嗚嗚……我知錯喇！唔好歹（打）！唔好歹（打）！嗚嗚……」

「你知錯又點？媽咪使好多錢搵言語治療師醫你又點？你咪又係錯！」

「對唔住呀，媽咪！對唔住……唔好歹（打）！唔好歹（打）！好凍（痛）呀！嗚嗚……」

「對唔住又點？知錯又點？改到先得㗎！你改到咩？」

「我改……我改到㗎！嗚……嗚嗚……」

「快啲收聲，然後再讀一次。焰——」

「嗚……念——哇！好凍（痛）呀！媽咪，唔好歹（打）！媽咪！我知錯喇！媽咪，唔好歹（打）！」

「唔准喊！讀！」

「嗚……念——哇！」

「唔准喊，繼續讀，讀到啱我先停手。」

「嗚……念——哇！」

「念——哇！」

「念——哇！」

「念……」

「嗚……」

「念……」